Bóka

Ef þú vilt koma með verkefnið þitt í Studio Silo, eða ert einfaldlega forvitin/n um hvað við gerum og hvernig við vinnum, endilega hafðu samband. Okkur þykir alltaf gaman að spjalla um nýjar hugmyndir. Þú getur hringt beint í Vinny, hljóðmanninn okkar, í síma +354 783 4976 eða náð í hann með tölvupósti: vinny@inhere.is

Við bókum eftir dögum, og dagur er yfirleitt níu klukkustundir alls með klukkustundar hléi í miðjunni fyrir hádegismat. Ef við byrjum klukkan 9 ljúkum við yfirleitt klukkan 18, og svo framvegis. Við erum sveigjanleg um nokkrar klukkustundir, en góð skipulagning er af hinu góða — og svefn er hollur! Við bjóðum ekki gistingu, en við getum mælt með og aðstoðað við að útvega gistingu fyrir þig og þitt fólk á sanngjörnu verði í þorpinu okkar.

Fyrir þá sem koma í listamannadvölina okkar: athugið að Studio Silo er ekki hluti af þeim verkstæðum sem standa til boða innan dvalarprógrammsins. Bóka verður Studio Silo sérstaklega, en dvalarlistamenn fá 10% afslátt.

Til að staðfesta bókun þarf að greiða 50% af heildargjaldinu fyrirfram, en afgangurinn greiðist við lok lotunnar. Fyrir lengri lotur má lækka þessa fyrirframgreiðslu ef þörf krefur.

Ef þú þarft æfingarými áður en þú tekur upp má útvega það í tónleikasalnum okkar án aukakostnaðar.

Og nú fyrir analog-aðdáendurna... Ef þú kýst að nota dásamlegu segulbandstækin okkar er enginn aukakostnaður við upptöku á band. Þau eru alltaf tengd og alltaf tilbúin. Við bjóðum nokkur snið eftir verkefninu og getum tekið upp á band og inn í tölvu áreynslulaust, sem gefur þér segulbandshljóminn en gerir þér kleift að halda áfram með yfirtökur og klippingu í tölvu. Þetta gefur það besta úr báðum heimum og við gerum það oft.